15/05/2013 11:33:13

Stil

Doriana Metollari

HermesNews - Qytetaria është forma me të cilën identifikohet një individ a një popull, sipas asaj që unë besoj. Por para se të flasim për popujt, të merremi me individët. Le të flasim pak për veten. Çfarë ju bën të ndryshëm nga ai/ajo që keni në krah ? Padyshim, në radhë të parë veshja, pamja e jashtme, por kur hapni gojën për të folur, jeni të ekspozuar dhe me sjellje.

Një Zot e di sa herë kam përdorur fjalë kur në fakt janë dashur të tjera, çfarë më ka bërë dhe të ndjehem, pas disa sekondash, e penduar, por kam besuar se e gjitha kjo mund të përmirësohej. Në ato raste që e kam kuptuar se duhej të reagoja ndryshe, idea për një rast të dytë dhe të ngjashëm, do të duhej të isha ndryshe.

Dhe ka funksionuar...!

Për mënyrën sesi e shoh unë, pranimi i një situate të re brenda jush, është hapi i parë drejt evolimit qytetar, njerëzor, shpirtëror.

Unë dhe ju nuk besoj se jemi “shpirtra të bukur”, por besoj se sekreti qëndron jo në bindjen që i krijoni vetes se jeni të mirë dhe bota jo, por tek pranimi i defekteve jo bashkejetesa me to, sepse kjo në një farë mënyre pengon progresin tuaj, por kurajua për të bërë më mirë çdo ditë.

Ka gjithmonë një moment, kur njeriu e ndjen atë forcën që përshkon në momente të caktuara dhe truri të thotë se duhet ta përdorësh. Ai moment, që ndalon kohën dhe të jep gjithë hapësirën që të nevojitet për të reaguar.

Kurajua.

Hapi i parë, pastaj nuk ka gjë më të bukur kur bëhet ves.

Unë nuk po flas për sjelljet e mira, apo sjelljet e këqija. Ju them se duhet të krijoni Stil.

Po, Stil. Eshtë shumë individual, i personalizuar. Eshtë ai që na dallon nga forma e të tjereve, është ai që na jep personalitetin dhe na rinovon energjitë. Stili është forma më e mire e të jetuarit të lirë nga çdo
paragjykim.

Stili i zë vendin dëshirës për t'i thënë në sy atë meriton dikujt dhe krijon frazat që përmirësojnë ambjentin rreth jush. Stili është fjala dhe sjellja, por kthehet dhe në provë.

Mireseerdhët në bordin anijes sime, aty ku fjala është gjithçka dhe durimi humbet nganjeherë, por nuk kam reshtur kurrë së besuari se mund të bëj më mirë se kaq.

Dhe ka funksionuar !

HermesNews - ©2013

Dërgo me email | Stampo artikullin